【高明邏輯】回帶10條狂牛必守戒律(高明)(第175期)

—新朋友請點上方”港股策略王”關注我們—

【高明邏輯】回帶10條狂牛必守戒律(高明)(第175期)

港股從1月底高位回落後磨咗足足三個月而未分明顯勝負,高明每日要喺新城開咪,有時都未能深入思考就要出街,簡單睇法係北水狂買一招已被外資睇穿,加上北水對港股熱情減退,令港股回到2015年前的模樣,即係點?即係有挾上落,冇升跌嘅經典港股上落市。 今期《高明邏輯》係Sell in May嘅五月第一篇文章,想借呢個機會回顧吓舊年11月初喺《蘋果》寫嘅一篇「10條狂牛必守戒律」,睇下依家中咗幾多。 回帶:一、冇份贏慘過輸。新評:當時未到三萬點,如果買咗都叫有份贏吓,更重要係唔使470蚊先仆入去買騰訊(00700.HK)。 回帶:二、人生沒有幾多個贏錢嘅牛市。新評:牛唔牛市,關你隱事?自己贏錢先緊要,2月至4月先開始贏錢大有人在。 回帶:三、買升嗰隻。新評:2月前都仲得,美股小股災後已冇得跟衝,贏到要肯走。 回帶:四、唔好怕揸正股。新評:2月至4月印證咗買牛熊兩邊挾嘅悲慘市況,正股輸極唔使輸晒 回帶:五、細注駕馭衍生工具。新評:同上。 回帶:六、最保本嘅方法係早段贏得多。新評:基本上高明認識嘅大部份人,2月都要輸錢,贏輸在於11月至1月贏定輸。 回帶:七、幾時離場?牛市最高峰時,政府會有動作,馬雲會推螞蟻金服上市;到政府「暴力救市」,亦係最後逃生機會。新評:港交所(00388.HK)已批同股不同權;小米據報已準備入紙IPO,不可不防。 回帶:八、熊市反彈死最多人。新評:今次最慘係,反彈咗好多次,次次覺得有勢衝已死十次。 回帶:九、狂牛彈出彈入。新評:呢招有用,至少唔會死晒,但上落市狂輸使費。 回帶:十、人生總有下個牛市。贏一蚊都係贏,好過輸住走。記住,畢菲特99%嘅財富都係50歲後賺番嚟。有啲嘢,急唔嚟。新評:睇埋Sell in May升定跌再算啦。 結論:11月訂下策略大致都啱,的確畀高明贏咗場戰爭,雖然好多場戰役損傷無數。未來就要睇:一、北水會唔會史無前例咁按月流出;二、港元拆息升得幾快;三、美股會否牛市已完;四、小米上市後是否最後一根稻草。 記住,好友過去十年的確贏開巷,但同未來十年繼續幫你買上去無必然關係。=================================
揭頁版電子書同步上架,即刻Click入以下網址收看
http://subscription.winmoney.hk/
=================================
《港股策略王》手機APP
iOS:https://appsto.re/hk/ysXocb.i
Android:https://play.google.com/store/apps/details?id=com.megahub.winmoney
#港股策略王#手機app #更新#你今日下載咗未
掃一掃QRCode(二維碼)馬上關注”港股策略王”

为您推荐

发表评论

邮箱地址不会被公开。 必填项已用*标注

返回顶部